Möbel Heinitz

Hauptmenü:

Unser Sortiment: zum Showroom und Online-shop

Dorop sünd wi bannig Stolt:

In dütt Geschäft weer ik, de Kunn, de König.

Is eerst'n poor Weken her, dor meen mien Eduard: „Ik wull mi al so lang een Fernsehsessel köpen. Jümmers weer wat anners wichtiger. Mehrstens güng dat Geld vör een vun uns velen Urlaubsreisen weg.

Goot, dat wi dat mookt hebbt, ober nu is dat Reisen vörbi. Nu will ik een Fernsehsessel. So een, de mi no vörn kippt, dormit ik beter hoochkomen kann.“

Een Auto hebbt wi nich mehr. Ob wull een vun de Kinner Tiet hett mit uns lostoföhrn?

Ik kiek al mol in't Internet, üm to sehn, wat dat denn so gifft.

Online köpen will ik so'n Deel nich. Mit twee grote Kartons kann ik nix anfangen.

Dat Ganze is op een Freedag passeert. Klock halvig elven heff ik in een Möbelhuus in de Holstenstroot in Elmshorn anropen. Ik harr Glück, de Seniorchef weer sülven an't Telefon.

Ik heff em den Wunsch vun mien Eduard vördrogen. Op sien Froog, wann he den Sessel denn levern schull, wenn he wat Passendes finnen wöör, heff ik antert: „Gestern.“

Ji köönt dat kuum glöven, den sülvigen Dag klingel nomiddags Klock dree dat Telefon. In dat Möbelhuus geev dat een Sessel, de al dat harr, wat wi hebben wull'n. „Schöllt wi den bringen?“

15 Minuten no Klock veer, stünn de Sessel in uns Wohnstuuv. De beiden Fahrers hebbt mi sogor bi't Ümrümen holpen.

All'ns weer perfekt.

Dat versöök mol bi een vun de groten supermodernen Möbelhüüs. Dat klappt nie, morgens bestelln un nomiddags levern.

Nich dat düsse Firma lütt is. Nee, mehr as sösstig Johr sünd se in't Geschäft un jümmers wüssen un jümmers mit de Tiet gohn. Een kann nich glöven, wat dor, öber 5 Etogen verdeelt, anboden ward.

Dat is een reinen Familienbedriev. De drütte Generatschoon steiht ok al proot un arbeit mit.

Dor is ganz eenfach noch: De Kunn, de König.

Opschreven vun Ursula Vollstedt

Gemütliche Küchenplanung...einer unserer Planungsplätze...Fotorealismus...wir sind die Planer

Unsere Küchenplanung fotorealistisch und 3D

auf großen Bildschirmen

Elmshorner Online-Shop Möbelportal
Lieferung und Montage FREI Haus*
*Inseln und Halligen auf Anfrage

Wohnbuch